എനിക്കൊന്ന് സ്പെയിനിൽ പോകണം. കാളപ്പോര് കാണാനല്ല. പിക്കാസോയുടെ, ലോർക്കയുടെ ലൂയി ബ്യുനുവലിന്റെ കാൽപ്പാടുകൾ പറ്റിയ മണ്ണിൽ ചുംബിക്കാനല്ല. അമേരിക്കൻ ഭൂഖണ്ഡത്തെ ഇടിച്ചു പിഴിഞ്ഞ് ആ നീര് കുടിച്ചു വളർന്ന കൊച്ചു രാജ്യത്തെ കാണാൻ. കൊളംബസ് അമേരിക്ക കണ്ടുപിടിച്ചു എന്ന പാഠം കൊളംബസ് അമേരിക്കയെ നശിപ്പിച്ചു എന്നാക്കാൻ. എനിക്കൊന്ന് ബൽജിയത്തിൽ പോണം ലുക്കാക്കുവിനെ കാണാനല്ല. സുലഭമായ തീവണ്ടികളിൽ സുന്ദരമായ ദൃശ്യങ്ങൾ കാണാനല്ല. കോംഗോയിൽ അവർ കൊന്ന മനുഷ്യരെ അടക്കം ചെയ്യാൻ മുഴുവൻ ബൽജിയവും പോരാതെ വരുമായിരുന്നു എന്നറിയിക്കാൻ എനിക്കൊന്ന് ലണ്ടനിൽ പോണം. വിംബിൾഡൺ കാണാനല്ല. ഏതോ രാജ്ഞിയെ വിളംബരം ചെയ്യുന്ന വേഷം കെട്ടൽ കാണാനല്ല. ഹൈഗേറ്റ് സെമിത്തേരി കാണാൻ പോലുമല്ല. മഞ്ഞിൽ